لأن الفقير بلا علاج في لبنان | أتذكرون الشاب الذي بكى وأبكى الكثيرين يطلب العلاج لأمه المريضة ‘فاطمة’ ؟؟ اليوم نعاها… قبل ايام من عيد الأم… لم يساعدها أحد من محبي الشهرة!!!
على صفحتها على موقع التواصل الاجتماعي، نشرت الناشطة ريم سقلاوي خبر وفاة والدة الشاب “عمر شبارو”، معلقة:
“هيدا عمر..
عمر يلّي من شهرين طلع لايف ع صفحة الفيسبوك وبكي قدام ملايين من النّاس، وإترجاهن يساعدوا بعلاج إمّو!
عمر يلّي بعد ما طلع وحرق قلب الكل، كتار من الناس نزلّت ع الفيسبوك إنّو هيي متكفلة بالعلاج وكل شي وللأسف طلعوا كذابين وغاويين شهرة!
عمر رجع طلع ع ال tv وحكى كيف كلّوا أعطاه وعود كذب، وما حدا فعلاً كان عم يساعد ومع هيك كمان ما حدا إتحرّك! اليوم عمر خسر إم بتسواك إنت وياه وياه،
وبتسوى ثرواتكن وممتلكاتكن ومناصبكن يلّي ما بتشرّفنا وولا بتمثلنا! االولد عم يتيتّم والأهل عم يخسروا ولادن وإنتو ‘لا حياة لمن تنادي’!
لوين بعدكن رايحين؟ فوق إنّو ناهبين البلد وحارمينا أقل حقوقنا، كمان بدكن تحرمونا أهالينا وأخواتنا وأولادنا؟؟؟
الله لا يسامحكن ويبكيكن دم ع كل حرقة قلب عم تكونوا انتوا سببها
الله يصبرك يا عمر ويرحم إمّك، إرتاحت من عذابها ومن هيك بلد!!!”
