على صفحته على موقع التواصل الاجتماعي فيسبوك، نشر الشاب مصطفى السيد البوست التالي:

“سلام ، يا ريت تعطو شوية إهتمام للكلام يلي بدي احكيه .. و خاصة الى كل من يهتم بأمور البلدية ..رجاء ..

انا شاب عشريني في بداية عمري ، ضربني مرض السرطان بقدمي اليسرى ، الأمر يلي وصلني بعد سنتين إني ضحي فيها ، بيتي بالطابق الاول بس درجنا صعب شوي لان بناء قديم ، ضليت كل هل فترة استخدم الدرج للصعود و النزول ، لحد ما المرض من حوالي السنة انتقل عالروايا ..

هل شي صار يسببلي ضيق بالتنفس و صارو الروايا كل فترة عندي عم يعبو مي ، الخلاصة انو ما عاد اقدر استعمل الدرج ، رغم اني باجر وحدة كنت اطلع و انزل بس الموضوع صار اكبر من هيك ،

صار مفيني لان عم اوصل عل بيت ما معي نفس .. مفيني عم اخد هوا ..فاضطرينا انو نطلع بفكرة ركب متل ونش خارجي يطلعني و ينزلني ، هو مخالف صحيح لان الارض مش ملكنا بس ما عاد في حل ..

الخلاصة انو مهندسين من البلدية صورو ووقفولنا الشغل ، و عم ظبطها لجيب موافقة من البلدية ،،

بدي حدا يساعدني و يشرح وضعي ليلي وقفلي الشغل انو هيدا بس لحتى اقدر اطلع و انزل عبيتي لان وضعي ما عاد يسمح ، مش لطق الحنك ، و انو بمجرد ما قدرت انا اتنفس و ما بعازة اوكسجين انا بمضي على تعهد انو ينشال ،

بالنهاية بدي ركب اجر اصطناعية بس يظبط وضعي و ما مشكلتي الا مع التنفس ..هو منو مضايق حدا ، بس لنكون بعاد عن المخالفة ، و لكون واضح ليه عم نعمل هيك .. و انا عندي موعد بالبلدية و بدي احكيلهم هل شي ،

و رجاء اذا حدا قرأ وضعي و قادر يساعدني من جوا ما يقصر ، حالة انسانية ،،قلكن فيها الأجر ،، احكو بامري ووصلو الفكرة للمعنيين ..

و على الهامش :كل يلي حكيتو معي فيه تقارير طبية ، +تقرير من الدكتور ما استعمل الدرج + الناس هي عم تحملني حالياً لاوصل عالبيت”