غردت مراسلة “فرانس 24 “كارمن جوخدار: وطن الذل!”

فقامت بدورها المراسلة راشيل كرم وزميلتها ” كارمن في المهنة بالرد عليها في تغريدة اخرى: شي مرة شفتي شي مصري او سوري او تونسي او بلجيكي او فرنساوي او هندي عم بقول هوي عن بلدو هيك؟؟ مصر وطن الذل؟

سوريا وطن الذل؟فرنسا وطن الذل؟…ليش ما منعرف غير انذل بلدنا على السوشل ميديا ؟!زميلتي ذلي المسؤولين والمعنيين ويلي قاهرينك بس مش لبنان كبلد!!”

فردت جوخدار على تغريدة كرم قائلًة :جربتي شي مرة توقفي تنطري على باب مستشفى مع حدا؟ بحب خبرك زميلتي العزيزة إني لما مرضت بالغربة (وما عندي جنسية مل شفت يلي عم ينعمل بلبنان) كرمال ما نحكي عن الكهرباء والطرقات والمي والتلوث. سوريا يلي صرلها سنين بتعاني من حرب ما فيها يلي موجود بلبنان

وأضافت جوخدار في تغريدة ثانية: شو بتعمل مع واحد بدك تقنعو انو حقو يعيش بكرامة يكون عندو كهربا ومي وطبابة وتعليم وضمان شيخوخة؟ كيف بتقنعو حقو يعيش ببلد نضيف؟ كيف بتفهمو انو يلي عم يصير إذلال بكل ما للكلمة من معنى؟ كيف بتعرفلو شو يعني إنسان وشو حقوقو؟!”.