حوراء رح تتكلف وتلبس حجاب بعد تلات شهور…
و حوراء صرلها فترة عم تجمّع بالقجة لأن بدها تعمل حفل تكليف بالإستراحة وتعزم عليه أصحابها ورفقاتها
لغاية هون منيح…

حوراء مدري شو طلع براسها اليوم وفتحت القجة وبدها تتبرع بالمصاري للمقاومة و كاتبة رسالة للسيد حسن بتقله فيها إنو ما عاد بدها تعمل حفل تكليف بالاستراحة ورح تنطر الحفل يللي بتعمله المدرسة للمكلفات ورح تشتري قجة تانية و تجمع فيها وترجع تبعتهن للسيد وكمان بدها مصاري من امها رح تبعته للمقاومة.

هلق هو المبلغ مش محرز كله على بعضه مية وستة آلاف ليرة

بس حوراء مصرّة انو المصاري رح توصل للسيد حسن و انها شريكة بالنصر الجاي وإنو هالمبلغ رح يشتري فيه السيد صاروخ يوقع طيارة وبدها الباراشوت تاع الطيار!!!

و حوراء رغم صغر سنها بس ظنونها ما بتخيب، وانا بوثق بظن حوراء، ورح نوقّع طيارات…

آخر شي بيطلعلك واحد ما بيعرف تاريخ ولا جغرافيا و مش معروف قرعة ابوه منين بيقلك رح نفرض حصار إقتصادي!!

مقاومة منتصرة بكل الميادين وأطفالها ربيت على اخبار الانتصارات مش كتير رح يفرق معها هيك شكليات
البيت يللي فيه قجة لدعم المقاومة رح يصير فيه قجتين ويللي ما اخذوه عسكريا فشروا ياخذوه اقتصادياً ولو بدنا نموت جوع، التراب مناكله وما منبيعه.