على صفحتها على موقع التواصل الاجتماعي فيسبوك، نشرت ريتا بولس صورة لرجل مسن ينام على جانب الطريق في شارع “الحمرا” في بيروت مرفقة بالتعليق التالي:

عم يوصلني كتير صور لمسنين عم يفترشوا الطرقات …
هالمسنين رافضين قطعا يروحوا عدار مسنين ..

اول فترة كنت روح دور عليهن من جونية لزحلة .. من انطلياس للحمرا لجسر الدورة … من الكولا لبرج حمود …
بس الجواب عم يكون من بعد عدة ساعات عم بقعدها معن.. ما بدنا نفل من هون نحنا هيك مرتاحين…
ونزولا لطلبن عم نفل ..

يلي بدي اطلبو اليوم كل شخص مارق من حدن .. ياخدلن اكل .. مي .. طبخ … معلبات ..تياب … حرام …
وحيكونوا كتير مبسوطين ❤

نحنا ما فينا نجبرهن ولا في قوة بتشيلهن عن الطريق .. حاملين وجع العمر و منيمينو حدن … صلولن و طلبولن ربنا يغمرن بحنانه و يدفيهن من البرد … ويرحمهن عالأرض ..
مرسي