حل موت وصيفة ملكة جمال لبنان ميشيل حجل كالفاجعة على عائلتها و محبيها و متابعيها الذين رافقوا في رحلتها عبر منصات التواصل الاجتماعي.
وقامت شقيقة الراحلة بولا حجل بنشر صورة عائلية معلقة “بكرا عرسك انكتبلك عمر جديد عمر طاهر متلك. بكرا و بعدو رح افقدلك وقت روح عند ماما مش رح لاقيكي ناطرتيني. مهما كبرتي رح تضلي بعيوني طفلة اللي بتركض لعندي بس تحس بالوحدة، وقت تفرح و وقت تزعل.
و مين غيري رح يحمل همك بهالعمر، ما انا سندك و انت قلبي و روحي انت عيني اللي بقشع فيا.
عهد علي ابقى سندك و سند اختك و امك و بيك يا كل حياتي.
اختي حبيبتي، ضحكنا كتير و بكينا كتير و تعذبنا اكتر من كتير. ياما حكينا اسرار لبعض يا ما سهرنا و تحكيلي احلامك الزغيري.
كبرتي يا زغيري صرتي عروس و الأبيض شو لابقلك و عريسك فوق ناطرك تأ يكمل فرحتك.
يسوع، انتبه عليا لأنها الروح..
اااااه يا قلبي”
و كانت بولا طلبت من اصدقاء صفحتها على الفايسبوك ارتداء اللون الابيض في عرس شقيقتها الراحلة عوضا عن الاسود مشيرة الى انها كانت امنية حجل قبل رحيلها.
