نشرت الإعلامية ديما صادق صورة عبر صفحتها الرسمية على انستغرام كشفت فيها عن تعليق صادم تلقته على خلفية منشورها الذي توجهت فيه إلى منسقة لجنة العمل الوطني في التيار الوطني الحرّ.
وفي التفاصيل، فقد كتب أحد رواد الانترنت لديما “بتستاهلي حدا يغتصبك كمان لي في أوسخ منك”.
وقد كتبت ديما تعليقاً ردّت فيه على الجملة المسيئة لها بتغريدة نشرتها عبر حسابها الرسمي على تويتر جاء فيها: “تعرضت كتير لهجومات. بس هاي المرة كانت غير كل المرات. وقع كلمة الاغتصاب على المرأة مرعب. مرعب.
ارعب بكتير من التهديد بالقتل. بس انا كامرأة ليه عّم اتعرض لهل انتهاك اللفظي؟ ليه؟ شو عملت انا لإستحق هل شي؟ لأني قلت انو بدّي اللبناني المسلم و المسيحي يعيشو حد بعضهن؟”.
وتابعت ديما صادق: “لأني قلت انو في إنسان مسكين عايش بخيمة خللينا ما نجرحو بخطابنا و هجومنا؟ لأني قلت في أطفال بسوريا و باليمن عّم بموتو؟ شو عملت انا لاتهدد بالاغتصاب و القتل و السب و تشكيك بالشرف؟ طيب حسلم جدلا انو افكاري اللي عّم دافع عنها غلط، بس انا ما قتلت حدا، ما عنفت حدا،
ليه عقابي بدو يكون انتهاك جسدي بدل نقاش فكرتي؟ أي مجتمع انتم و أي بيئة و أي افكار سياسية و أي كره عّم يزرعوا فيكن ليطلعوا منكم ابشع ما في الطبيعة البشرية؟ لوين رايح هالبلد وهالمجتمع؟ ليه هالكره والبشاعة كلها ليه؟ مش مهم التهديد الشخصي لإلي،
هيدا تفصيل صغير، بس الخوف الحقيقي انه منسوب الكره بهل بلد صار لا بد، لا بد، من اخد تدابير مسؤولة للسيطرة عليه وإلا الكارثة جاي لا محال”.
وختمت: “أنا من جهتي ما عندي إلا جواب واحد: كل الحب لالكم، والله يهدي اللي عّم يتبعوا هالخطاب”.
المصدر : LBCI
