رسالة من مواطن..

انا مواطن لبناني عمري ٢٠سنه، اسمي محمد نور موفق اللبان.

” بتاريخ ١٠/١٠/٢٠١٨ كنت بمنطقه قصقص جانب ملعب التنس مقابل مقهى الحج محي دين دمشقيه، كنت قاعد وانا ورفيقي تحت الشجره على الطاوله، وبوجنا كنا عم نتفرج على العالم بالملعب تبع التنس وبجانبنا كان في ختايره وولاد صغار كان الجو كتير رايق وما كان في لا صوت رصاص ولا شي فجأة بتنزل من فوقنا رصاصه كتير سريعه بتخرق ورق الشجر وبفوت بأيدي اليمين بتخرق ايدي من عن الزند وبتطلع من ورا بتعمل صوت كتير قوي ما حسيت بشي الا بسخونه ومني عرفان حالي اني منصاب برصاصه الا لما شفت الدم عم بكر مني متل الحنفيه،

توجهت لا عند صاحب المقهى الحج محي دين دمشقيه وهو دق للاسعاف اللمعلومات حضرت سياره الاسعاف بظرف ٥دقائق او اقل، واخدوني على مستشفى المقاصد، اكيد اجا لعندي الدرك خبرتهن شو صار معي، وحطو الرصاصه يلي تم اصابتي فيها بكيس ليلون شفاف واخدوها كمان بفوت لا عندي المعلومات وبيسألني وكمان استقصاء وكمان جهاز امن الدوله…

القصة انتهت لهون بس سؤالي شو كان صار لو نزلت للرصاصة على راسي وامتى لح نوقف نموت بالمجان….والله نحن حرام.”