ردّت الاعلاميّة نوال برّي على منتقدي آدائها التمثيلي في مسلسل “والتقينا”. وأشارت خلال مقابلة عبر “النهار“: “هذه أول تجربة لي وأكيد في أخطاء بالتمثيل”.

وتابعت: “أكيد أنا ما عم إدعي وقول أنو أنا مكسرة الدني بالمسلسل”، مشيرةً: “بهذا الدور أعطيت أكثر شي بقدر أعطيه، والمخرج حب كتير، وبمحلات لما كون ما عم حس بالمشهد عم إرجع عيد ليكون أفضل شي بقدر إعملو”.

ولفتت بري: “ممثلين كبار كانوا عم يدقولي ويقولوا “برافو نوال” كتير طالعة طبيعية وعفوية… وبالنسبة إلي تقنياً على الأقل أنا عاملة لي لازم أعملو واكيد فيني أعمل أحسن، بس هيدي أول مرة باخد بطولة أو دور طويل”.

وعن ردة فعل المشاهدين، أشارت أن هناك نوعين من المشاهدين، منهم من يُحب تمثيلها “هول كتير الحمدلله.. هاي عم تكون الأصداء لإلي” بحسب تعبيريها، ومنهم من لم يحب تمثيلها لأن “الدنيا أذواق وبقولوا حبيناها أكثر بالإعلام”. وأشارت أن البعض “ما بحب نوال بري لو شو ما عملت وهول من الإعلام مبلشين معي لأسباب سياسية لأن ما كان يعجبن رأيي بالسياسة”.

وتوجهت لمنتقدي أدائها ولفظها: “إنشالله المرة الجاي بتحبّ وبكون أدائي ولفظي أحسن.. وما ح قلن إني ح فل إذا هيدا لبدن يسمعوه”.

وشددت:”لو ما عرفت إني قدها ما كنت أخدتها وبحياتي ما بعمل دعسة ناقصة”.