المصدر : لبنان 24
بعد انسحاب ممثّلي “التيار الوطني الحر” من حلقة برنامج “صار الوقت” الذي يقدّمه الإعلامي مارسيل غانم على شاشة الـ”MTV”، أمس الخميس، اعتراضاً على كلام رئيس حزب “القوات اللبنانية” سمير جعجع،
أوضح النّاشط في “التيار” ميشال غنيم سبب الإنسحاب من الحلقة، معتبراً أنّه “كان أفضل لو عملنا متل جبران (باسيل) ورحنا لعبنا فوتبول”.
وكتب غنيم في منشورٍ عبر حسابه على “فيسبوك”: “وعم يسألوا ليش انسحبنا…
قبل ما تبلش الحلقة القوى الأمنية هنّي وعم يحكونا عنقطة التفتيش الأولى طلع معن رئيس الجمهورية رئيس جمهوريتنا وحدنا “مجموعة التيار”… طلع الشرطي محزّب يلي مفترض انو يكون قوى أمن لكلّ الشعب.
بآخر نقطة تفتيش بياخدو أمن سمير جعجع من زميلي دواء الـ”insulin” لأسباب أمنية… والفكرة لو تركوها مع أمن معراب أو مع القوى الأمنية الواحد بقول… بس تركوها مع مناصر لحزب “القوات” داخل الحلقة والحجة “لأن منوثق فيه والرفيق منّا”…
سؤالي، هيدي وين منصرفها في حال صار معو عارض زميلي بنصّ الحلقة؟
أخيراً وليس آخراً، تعرّض زميلي إلياس الزغبي لشتائم داخل الحلقة من مناصر لحزب “القوات” وتعليقات سمير جعجع أي الشائعات والإفتراء ومن ثم السخرية على فخامة رئيس الجمهورية من دون حقّ الرد كان السبب الرئيسي لإنسحابنا الأمس لأن ما بشرفنا نسمع كذب وافتراء ونسكت عنو.
كان أفضل لو عملنا متل جبران ورحنا لعبنا “فوتبول”، لأنّ هيك لعبة أفضل من إنو يكون الواحد عم يسمعلو”.
